Инсоннинг кўзлари бунча ғамгин, айт..


(Танлов учун тақдим этилмоқда)

Муаллиф: Мусо Ёқуб
Озарбойжон тилидан Раҳмат Бобожон таржимаси


У не боқиш эди...

Тангрим, бир боқишда нелар бор эди, 
Назарда неча минг назар бор эди, 
Ё Раб пайти етди, ўтди кўп они, 
У не боқиш эди кўзинг қурбони...

Денгиз бўйида


(Танлов учун тақдим этилмоқда)

Муаллиф: Андрей Тимофеев
Рус тилидан Азизбек Норов таржимаси

Қримга тўйдан кейинги саёҳатга келган ёш жуфтлик Севастополдан Ялтага олиб борадиган улов кутишарди, у ерда улар икки ҳафта дам олишни режалаштиришган эди. Ёшлар бор-йўғи олти ойдан бери таниш бўлиб, ҳаётига кириб келган янги ўзгаришларга ҳали унчалик даражада кўникишмаган, ҳар бир эрка интилиш эса уларга кўп нарсаларни ҳадя этарди. Тиниқ ва очиқ ҳавода худди ёрқин фотосуратдагидек вокзалнинг баҳайбат биноси, ноодатий сершох жануб дарахтлари кўзга ташланди. 
Оля охирги кунларда ниҳоятда кўтаринки кайфиятда эди. Унинг ўйлашича,  тўйдан кейинги ҳаёт умуман бошқача бўлиши керак эди,  тасаввурида бу ҳаёт фақат завқу шавқдан иборат, аммо шу билан бирга ўта муҳим ва қатъиятли эди. Кичкина болаларни кўрганда меҳри қўзғар, у ҳар бир бола қиёфасида Максимни кўраётгандек бўлар, гўёки ўзи ҳам ёш болага айланиб қолгандек эди.

Зулмат ва зиё


(Танлов учун тақдим этилмоқда)

...Ичкаридаги зулмат ташқарига ёпирилгандай эди гўё. Заминнинг кўзи сўқир бўлди – теварак-атроф зим-зиё...
- Ичкаридаги зулмат ташқарига ёпирилгани йўқ... Ташқаридаги тун. У ўзининг зулматдай қора ридосини эгнига илиб хизмат бурчини ўтагани отланди.
- Зулмат билан туннинг нима фарқи бор?
- Янглишасан... Тун озод, ҳур. У ўз хизмат вақтида бутун оламга ҳукмронлик қилади. Ўз измига бўйсундиради. Келади-кетади. Ичкаридаги зулмат эса мана бу совуқ деворлар, зах хилват бурчаклар, ҳиссиз темир панжаралар асири, улар қўлидаги банди, холос. Қизиғи, у менинг ҳам асирим. Мен эса унинг...

Мен англаган “кашфиёт”


(Танлов учун тақдим этилмоқда)

Март ойи карантин бошланиши билан қишлоғимга келгандим. Роса ишлар йиғилиб қолган экан. Томорқани ағдардим, ариқ қазиб, сув уриб кетмасин учун уватларни кўтардим, жўяк олиб, экин-тикинларни экдим, молларга емиш учун беда экдим. Каттагина узум боғимиз бор, айтгандимми? Қишда ерга кўмилган токларни очдим, айри қоқиб, новдаларни кўтардим, ҳосили йўқ узум баргларни юлиб — хом нарт қилдим... 

Петраркага мактуб (ҳикоя)


(Танлов учун тақдим этилмоқда)

Муаллиф: Юрий Яковлев
Рус тилидан Ирода Холбекова  таржимаси


1
Агар буюк италян шоири Франческо Петрарка ҳаёт бўлганида мен унга хат ёзган бўлардим, чунки бу ёруғ дунёда фақатгина у тушунган бўларди мени. Петрарка устимдан кулмас ва бошимдан ўтганини элга достон қилмасди. Петрарка мени тушунган бўлар, у билан Рим шаҳридаги анжуманда кизил чиғаноқ ва лавр гулчамбари тақмасакда, балки у билан дўст тутинардик. Бошимда берет, эгнимда эса  сув ўтмайдиган матодан тикилган куртка бор. 
Мен ҳеч қачон Петрарка билан таниш бўлмаганман, чунки у биздан 600 йил олдин яшаб ўтган. (Биз бу ҳақда тарих дарсида билиб олган эдик). Аммо у гўзал Лаурани қандай учратганини тасаввур қила оламан. Шу ҳақда ўйласам, мен ҳам Авиньон шаҳридаги авлиё Клара черковида пайдо бўламан, устуннинг соясида туриб, атрофни бутун борлиғим билан кузатаман. 
Шамлар чирсиллаб ёнади ва оғир қўнғироқлар гумбурлайди. Ўша вақтда Петрарка шамларнинг ёруғида Лаурани кўради. Ҳали Петрарка унинг исмини ҳам билмас, лекин уни кўрган заҳотиёқ барча нарса – шамлар, қўнғироқлар, мармар даҳмалар кўз олдидан ғойиб бўлади, фақатгина унинг ориқ ва оқарган чеҳраси Петрарканинг кўз ўнгида гавдаланарди.

Деолидаги тунги поезд (ҳикоя)


(Танлов учун тақдим этилмоқда)

Муаллиф: Раскин Бонд, Ҳиндистон
Инглиз тилидан Шоҳрух Усмонов таржимаси

Коллеждалигимда ёзги таътилни Деҳрада, бувимникида ўтказишга одатланган эдим. Доимо майнинг бошларида йўлга тушиб, июльда ортимга қайтардим. Деоли Деҳрадан ўттиз чақирим нарида жойлашган кичикроқ бекат бўлиб, Ҳимолай этакларининг жанубидаги қалин чангалзорлар бошланишини белгилаб берарди.
Поезд Деолига саҳар бешларда - станция электр чироқлари-ю мойли лампаларнинг хира нурларига чўмган, тонгги ғира-шира рўшноликда темирйўл бўйлаб ястанган чангалзорларни киши кўзи базўр илғаши мумкин бўлган паллада кириб борарди. Бу ер  бор-йўғи битта платформа - станция бошлиғининг идораси ва кутиш хонасидан иборат эди. Станцияда чой сотиладиган пештахта, мева растаси ва дайди итларидан бошқа тасвирлагулик ҳеч вақо йўқ эди, боиси поезд бу ерга бир мартагина, ўрмонзорга кириб кетишдан илгари, нари борса, ўн дақиқага тўхтарди, холос.

Менинг ҳикоям (ҳикоя)


(Танлов учун тақдим этилмоқда)

«Фалон менинг боламмас!» деганди дадам ўшанда. На онамга, на дадамга ўхшайдиган мен ўша кез бу яхши сўз эмаслигини яхшигина ҳис қилгандим. Биз фарзандларнинг орзуимиз ўхшаш эди - тинч, хотиржамлик ҳукм сураётган оила. Қозонимизда фақат сабзавот шўрва қайнаса ҳам, ҳар куни ширинлик ея олмасак ҳам ота-онамиз бир-бирини эъзозлашини хоҳлардик. Мендан кейин туғилган синглим ва кичкина укам балки булар ҳақида тафаккур қила оладиган даражада катта бўлмаган бўлиши мумкиндир, лекин улар жанжал овози келиши билан чинқириб йиғлай бошлашарди.

Оғриқ (ҳикоя)


(Танлов учун тақдим этилмоқда)

Баҳорнинг майин шабадаси эсиб турибди. Ўт-ўланларнинг ифори киши қалбини ажиб ҳислар билан орзиқтиради. Ҳар жой, ҳар жойда баланд-пастқам қурилган уйлар қишлоққа ўзгача файз беради. Одамлар уйлари олдида чумолига ўхшаб ғимирлагани, ғимирлаган. Кимдир дарахтларнинг тагини юмшатяпти, кимдир мол-ҳолига ўт ўряпти, яна биров тутунини осмонга ўрлатиб тандирга ўт ёқяпти.
Қишлоқ ўртароғидаги тепаликда кунчиқарга қараб қурилган уй олдида бетон ҳовуз, унинг ёнида икки туп қайрағоч кўкка бўй чўзиб турибди. Ўша уйда саксонни қоралаб қолган Исмоил бобо шифтга қараб ўй суриб ётибди. 
Бобой кетмон кўтаришга ярамай қолгунча сувчи бўлиб ишлаган.


Диққат танлов!


📝 “Esdalik.uz” сайти барча ёш қалам соҳибларини рағбатлантириш ва янги ижодкорларни кашф этиш мақсадида ДОСТОН, ТАРЖИМА ВА ЭССЕ-ҲИКОЯЛАР танловини эълон қилади.
❗️Танлов шартлари:
Ҳар қандай ижод наъмунаси янги бўлиши ҳамда адабиёт назариясига тўлиқ риоя этилиши керак.
📬 Танловда қатнашиш истагида бўлган ижодкорлар матриалларини @esdalikuz_bot га расмлари билан жўнатишлари сўралади.
  • Яндекс.Метрика