Саҳифалар
Янги ижод намуналари
Оммабоп мақолалар
Сўровнома

Esdalik.uz нинг бошқа турдош сайтлардан фарқи нимада?



Барча сўровномаларни кўриш...
Календарь
«    Октябрь 2020    »
ПнВтСрЧтПтСбВс
 1234
567891011
12131415161718
19202122232425
262728293031 
Теглар
Ҳамроклик
Ижтимоий тармоқдамиз






Олти болали келинчак


(Орамиздаги одамлар туркумидан)

Иноят хола оғирмиш....
Бу хабар яшин тезлигида тарқалди.
Кимдир ичаётган чойини, кимдир чопиқ қилаётган даласини ташлаб йўлга тушди.
-Дадам ҳам Тошконга борадиларми? Шунча йўлга- я?!
Ирода опа беш кун аввал туширган келининг пайдар- пай берган саволларидан оғриниб, қувидан чиқарилган бир банка сарёғни авайлаб сочиққа ўради. Олма, нон, қатиқ қуйилган елим идишни ҳам йўл халтага жойлар экан пойтахтга отланаётган эрига юзланди:
-Ойим сигиримизнинг қатиғини яхши яхши кўрадилар.Олиб боринг. Музлаткичдан хозиргина олдим. Собир аканинг мошинасида кетаркансизлар. Тез етасизлар, Худо хохласа, ачиб қолмайди. Ёғлиққина мазза қилиб ичиб оладилар.

Тирик товон


Тўқсонбосди маҳали эди. Тиловнинг байтал чопиб бўлса-да, пойга оламан, деб кариллаб юрган пайтлари.
Бўсағадаги ола пўстакнинг устида “хур-хур” ухлаб ётган мушук ёнига тушган чопоннинг шовурига уйғонди; кўзини эринибгина очди, чўзилиб керишди, олд оёғи билан юзини ювди.
– Пишт-ей! – деди хўжайин асабий. – Тур, йўқол, кўзимга кўринма…
Мушук мушук бўлиб, хўжайиндан дағал гап эшитди. Ҳуркиб турди-турди, хўжайинига олазарак қаради-ю, думини қисиб, чиқиб кетди.
Мушукнинг ҳеч қурса миёвламагани Тиловга ғалати туюлди. “Бекор қилдим-ов шуни. Худонинг жонзоти-да буям. Нима айби бор эди унинг?”.

Висолсиз ишқ



Тонг! Қуёш боботоғ орқасидан кўтарилиб замину фалакни нурафшон айлаётган бир пайтда сени ўйлаб, ўтган-кетган узуқ-юлуқ хотираларни эслаб ўтирибман. Миямни ғовлатиб, бутун борлиғимни пароканда айлаган туғённи юрагимдан қувиб чиқармоққа ҳарчанд уринмайин бефойда! Ҳар бир лаҳзанинг ўз инъомлари бор экан. Менга шу сийловдан фақат азоб чекиш, ўз ёғимга ўзим қовурилиш насиб этганидан гоҳ фахрлансам, гоҳо хижолатман. Ахир қувонганим Худо инсонга дард берса унга щафқат хам қилади деган ўгит хотирамда зоҳир. Маҳзунлигим эса, қачон мен бошқаларга ўхшаб одамлар қаторига чиқаман, улардек яйраб-яшнайман? Азизам ана шу савол менга бир нав тинчлик, ҳузур-халоват бермайди.

Икки ёшнинг учрашуви


Қизга “Лайло” деб номланган кафе ҳашамдор, лекин файзсиз кўринди. Ёниб турган турли чироқлар, кираверишга осилган гумбазсимон қандилу, деворга ёпиштирилган гул қоғозлар, турфа картиналар ҳам қизни ғашлантирар, бўғарди. Бунинг устига кафе ичкариси ҳам кўчадан фарқ қилмас даражада совуқ. Қизғиш рангдаги мебелда мудраб ўтирган соқолли бир кишини айтмаганда, кафеда бошқа хўранда ҳам йўқ. Иситкичлар ишламаётганлиги учун бўлса керак, деб ўйлади қиз. У боятдан бери совқотар, бунинг устига туфлиси бирдан торайиб қолгандай оёғини қисарди. Йигит эса тўлқинланиб гапирар, афтидан сабрли тингловчи топилганидан хурсанд эди. Қиз жунжукканча, тишларини бир-бирига урар, серкиприк қора кўзлари ёшланарди.

Туш


(Танлов учун тақдим этилмоқда)

Болалигимни эсласам негадир тарғил сигиримнинг шохлари кўз олдимга келаверади. Аслида унинг эгри шохларини тушимда кўрганман. Қандай қилиб дейсизми?
Қишлоқнинг четидан, кенг пахта даласининг шундоқ ёнидан ер олиб, у ерга иморат тиклаб кўчиб ўтдик. Дадам менга эрмак бўлади деб бир она-бола сигир олиб берди. Ҳар куни тушдан кейин ўртокларим Қобил, Нодир ва Салим билан биргаликда далага чиқамиз. Ҳаммамизнинг бир-иккитадан сигир-бузоғимиз бор. Ўйнаб-кулиб, дала ёнбағридан ўтган каттакон зовур ёқасида уларни ўтлатамиз

Орзунинг уйғониши


(Танлов учун тақдим этилмоқда)

Телефонимни кўлга отиб юбордим. Хотираси кичик бир компъютер хотирасига тенг,  қимматбаҳо тилларанг қопламали, сув остида ҳам ишлайдиган телефоним экранидан ёруғлик таратиб сув тубида кўринмай кетгунича қараб турдим. Тушдан уйғонгандайман, мўъжизали оқшомдан кейин олтин аравасини қидираётган хаёлпарастга ўхшайман. Йўқ, мен ҳарчанд сеҳрланганим йўқ, сири фош этилган фокуснинг давомидаман гўё. Хўш, нима бўлди, нималар бўлди?.. Бугунгача кечган ҳаётимни эслагим келмаяпти аммо телефонимни кўлга отиб юборганим яхши бўлди. Энди мени кечаги кунга боғлаб турадиган ҳеч нарса қолмагандай.

Садоқат


(Танлов учун тақдим этилмоқда)

– Ишингиз ҳам бор бўлсин, Мурод ака, юраверар экансиз-да иш деб. Бир кун уйдасиз, ўн кун ишда. Бадиҳангиз бугун атак-чечак қилиб тўрт қадам ташлади. Бирам  қувондим-ки. Шуларни кўрмай қолдингиз. Кетганингизгаям йигирма кундан ошди.
– Кўп валақлама, ўйнаб юрибманми? Ишдаман.  Шу боламни деб, сени деб юрибман. Кейинги ҳафталарга ўрнимизга бошқалар келишади, ўшанда бораман. Қизалоғимнинг қадам ташлашини ўз кўзим билан кўраман.  
– Хўп, Мурод ака. Ўзингизга қаранг.
– Майли, қизимни ўпиб қўй. Яхши ўтиринглар. Ҳадеб телефон қилаверма, ишда бўламан. Чиққач, ўзим телефон қиламан.

Шахс соғинчи


Кўнглим ғаш эди. Гарчи тонгданоқ ҳаво мусаффо, айниқса, шаҳар ҳавоси негадир бугун жуда тоза бўлса-да, бу ғашлик менга илашиб олган эди. Барчаси кечаги аламзадалик таъсиримикин? Бундай руҳий тазйиқлар қуршовида қандай яшаш мумкин? Балки...
Инсон орзу билан тирик.
Бир ташкилотда 4-5 киши ишлаб, бир-бирининг кўзини ўйишга тайёр бўлса улар. Ғалати. ...да шундай ҳавосизлик бўлишини бошқалар етти ухлаб, тушида ҳам кўрмаса керак.

Синов


(Танлов учун тақдим этилмоқда)

Қуёш ўз ётоғидан бош кўтарар экан, ўзининг илк нурларини уларнинг ҳовлисига ёйишга, қалбларини нур ила зиёга тўлдирар гўёки уларнинг кемтик қалбларини шу нурлар билан тўлдираётгандай эди. Ҳаётнинг бешавқат синовларидан бири уларни  ота меҳри, ота дийдоридан бебаҳра қилган эди. Бу икки гўдакларнинг ҳар ерда туртилиб, суртилиб бетарбия инсонлар томониган гап ейишлари уларда меҳр ҳузури қўли етмас орзуга айланиб борар эди. Мастура жигарпорасинг ўзидек эзилишига ҳар чанд чиранмасин даставвал таёқ унинг бошида синар эди. Оталаридан эрта етим қолган бу икки норасида ўз ота уйларига сиғмай қолдилар. Амаки ва кеннойисинг айтилган, дилларини вайронага айлантиривчи, гап сўзлари уларни онасинг ота уйи томон етаклади.

Шахc


(Танлов учун тақдим этилмоқда)
〰️ I-қисм〰️

Мен ўзимча танийдиган ва болаликдан маърузаларини жонли тинглашни орзу қиладиган, Аусбург университетининг Ижтимоий фанлар доктори Иоган Швайт бугун тақдир тақазоси билан бизнинг Гамбургдаги университетга маҳорат дарсини ўтказиш учун, келади деган миш-миш тарқалди. Буни эшитганим заҳоти барча баҳо олиш учун қилаётган илмий ва амалий ишларимни тўхтатдим-да ўқув биносига отландим. Йўл-йўлакай қулоқчин орқали унинг фалсафий гаплари ва агитаторлик қобилияти ила ёзиб олинган аудиосини тинглаб келардим…