ЧИДАЙСАН, БОЛАМ

Жисмимни кўтариб турибди тупроқ,
Ернинг устидаман, йўқ зарра нолам.
Ўзи чорлар бир кун бағрига, бироқ
Менсиз қолганингда чидайсан, болам.

СЕН

Рангсиз тушларимга кириб келдинг сен!
Яна қайтиб келди гул, баҳорларим.
Бинафша лабида ҳанда, табассум,
Дилимдан тўкилди дилғуборларим.

1.
Тўкилмиш киприклар ҳар куни бир-бир
Ихтиёр этмишлар кетмоқни бадар.
Киприклар меники, аммо билмайман
Уларнинг дарди не?
Кўзларим ҳайрон.

Дўстимга хат

Бошингни эгма ҳеч...хижолат чекма, 
Дунёси шу экан...даврони шудир...
Ёмғирда қолган гул...қўй, унга тегма,
Ўзингга бошқа дўст, бошқа йўл қидир.
Сенда гуноҳ йўқ!

Сарғайди рухсорим,
Сарғайди йиллар,
Икки тошюракни қарғайди йиллар,
Мен энди тошларга айланай дедим..

Мен сизни
Ахтариб кезгувчи ожиза.
Музаффар тонг қадар сўзингиз,
Буғдойзор ранг олган кўзингиз – 
Мўжиза!

(Танлов учун тақдим этилмоқда)

Рус тилидан Феруз Неъматуллаев таржимаси

Тўйиб кетдим дилдош ўлкадан,
Умидларни ғамларга йўғриб.
Бошим олиб бу харобадан
Кетгум бўлиб дарбадар ўғри.

Кўпинча йиғлагинг келади:
Дўстларинг соғинган кечада –
Ҳувиллаб ўтирсанг бир ўзинг
Совқотган ўйларинг ичида.
- йиғлагинг келади...

Ҳали биз кўрмаган кунлар бор,
Тонглари отмаган тунлар бор.
Шеърлар бор, кўнгилдан чиқмаган,
Кўнгилга сиғмаган шеърлар бор!

Сизга баҳорларни олиб келувдим, 
Кузлар кўнглинггизга ургандир дея. 
Сирларин айтгайми киприкларинггиз
Қўйсам кўнглинггизни яшилга бўяб?!