Ситора Шамсиддин


“Сен ҳаммадан хунуксан”, дединг,
Қаршимда ғоз турар экансан.
Яна айтдинг: “Кетганинг яхши!”
Мени ёмон кўрар экансан…

Ёнимдаги сени танимай
Ҳайрон бўлдим, сўз тополмадим.
Эшигингни шартта очдиму,
Ёполмадим, терс ёполмадим.
Батафсил
+4

Адиба Умирова


ҚАЙТАМАН

Менсиз бўшаб қолган айвонингизга
Қалдирғочлар билан қайтаман, Ота.
Рангларни унутган сочларингизга
Баҳор келганини айтаман, Она.

Мен учун қадрдон ҳовлингиздаги
Янтоқ ҳиди урган қумғондаги чой.
Сиз суйган қумрилар тумшуқларида
Томнинг бир бурчига ташиб қўйган лой.
Батафсил
+6

Орифжон Комил


Жазира қўйнида ёнмоқда ҳислар...
Ёнмоқда қадамда айтар сўзларим.
Хаёллар чарх уриб салқинлик излар.
Соя жой ахтарар ҳорғин кўзларим.

Ахтарар шабада эпкинларида, 
кўксимга хуш ёқар шамол парларин.
Бошимдан тер каби қуйилар зумда, 
Ҳисларим ёндирган қуёш зарлари.
Батафсил
+11

Нозима Хабибуллаева


Мени қийнайверар ўйларнинг ранги,
Чизишга маҳорат берганинг чинми? 
Қай оҳанг ювади руҳимнинг чангин-
Овозим бутунми?

Соҳилда юрсанг-да тошлар ғичирлар,
Ва ёки пичирлар, қай бири ўнғай? 
Қандай безанади энг гўзал сирлар,
Туш менга кирарми ва ё мен унга?
Батафсил
+5

Шодмонқул Салом

 

Кетаяпсиз, мен ҳам кетяпман,
Ўртамиздан ўтолмас сабо.
Зулфингизни хаёлдай эшар,
Мартнинг кўксин тўлдирган ҳаво.

Кетаяпсиз, мен ҳам кетяпман,
Жон борича кўкарар яшил.
Дарахтларнинг учлари билан,
Шивирлашиб қувонар фасл.
Батафсил
+5

Руслан Дўст Али


Ҳаво қораланар, қорадир булут,
Гўзал ҳис ёғади сен йўқлигингдан.
Қарагин, дунёнинг юраги ёнар,
Истайсан бир нурни дил бўшлиғингдан.

Балки, умрин берар, балки, жонини,
Ҳар томчи, тупроқнинг бир заррасига.
Булутлар дарахтни тинч қўймаса ҳам,
Томчилар саргардон йўл орасида.
Батафсил
+7

Дилшод Шукуров


Ота макон

Яна айиради ғаддор олис йўл,
Бобо тоғларимдан, момо булоқдан.
Бола кўнглим ўксиб, ортга чўзар қўл,
Тушолмай темиртан, ҳиссиз уловдан. 

Кетаман, шохларин силкиб кузатар,
Ариқлар бўйида ўсган олчалар.
Беғубор дамларни менга эслатар,
Товоним куйдирган тупроқ кўчалар
Батафсил
+9

Маҳфуза Имомова


Ошиқма эй дил,
Ошиқма шамол
Рўпарамда улкан уммон турибди.
Сокин кемалардек сузмоқда хаёл
Очиқ чеҳра билан осмон турибди.
Мен эса соҳилда ёлғизман шу тоб
Тўлқинлар урилар пойимга келиб.
Нигоҳлар тўқнашар,
Мавжланар ҳар ёқ
Чиғаноқлар ётар қумда тўкилиб.
Руҳим сингиб борар
Тонгги насимда
Гўё сув юзида қалқмоқда таним.
Азим Ҳинд океанин ёнгинасида
Мен сени соғиниб кетдим,
Ватаним!..
Батафсил
+7

Беҳзод Фазлиддин


Баҳор, юр, онамни борайлик йўқлаб,
Ишон, яхши кўриб қоласан уни.
Хушбўйлар сочилган қишлоқни алқа,
Кўзингни ачитмас аёз тутуни.

Йўллар қадамингга муштоқ, мунтазир,
Жилғаларни бунча соғинтирмасанг!
Кўклам, кўкламлигинг нимага арзир,
Кўнгилга илиқлик олиб кирмасанг?
Батафсил
+2

Меҳриноз Аббосова


Сабрга ўргатар бу олис йўллар,
Ўзинг билан суҳбат қуришинг мумкин.
Ҳеч ким ўйларингга бермайди ҳалал,
Юрак томонларга боришинг мумкин.

Истасанг, тўкиб сол кўнгилда борин,
Йўллар сирларингни сақлай олади.
Ғамларинг, дардларинг ҳам ғуборларинг,
Ҳаммаси, ҳаммаси ортда қолади.
Батафсил
+8